الحبل الممدود

صفيت بسمة غروب نحايرها بالدمع العيون
نرجس كرامة القلوب بلسم جراحة الجفون

يبقى المنتظر يبعد عن سماء قلبي
شيبعد الملهوف عن نسمة هوى دربي
والقال ميأوس هواها موعده وعد ربي
يبشر المحبوب بطلعة تزهي لها حبي

بالمهدي الموعود .. وفاي الوعود
نرجس بيدها مولود .. ابن الكرامة حيدر

...

بطلعته البهية تضوي كل معبد
وتصيح المآذن بهيبه ابن السرمد
اليوم مبتشرة المساجد وكل المرقد
وبزيارة الرضا يزهرها بـ مشهد

مكتض الجود .. والكل موجود
حكيمة تبشر العبود .. بابن دحاية خيبر

...

حكيمة والدمع حاشي وحاملها
بسورة الباري امر واصلها
تقراها بالنور وتلاشى عابلها
مولود بالكرامة والباري ساهلها

بالشيعة مردود .. سورة المعبود
اية وحكمة الزود .. ابن الشهامة سيطر

...

يبشر العسكري مولد من الاطهار
حامل بشارة جدي احمد المختار
بنغمة العباس يجيد الفكر علمدار
والراية فوقها حاميها بذي الفقار

محمد ومحمود .. ابتشرت الخلود
حبل السماء الممدود ..لابن العدالة حيدر

... الطالبه لتعجيل الفرج ...

الحلم العابر

جنني هواك والشوق بـ حبك قتال
مايدري وين حسبك القلب والخيال

بـ دمعة وسجبت على بسمة القلوب
تبجي وين القى الوفاء بهاي الدروب
دروبه وخطاياه انمحت مثل الغروب
لا اتجاه معارف ولا ارض بـ الحروب

سيدي وين القى خطارك ..بين الف درب ودارك
طــول غيـــابه امـــــامــــي

...

بين البر والبحر نشجر خطاويك
نهتف لك سيدي هاي حنا محبيك
اسمع رجاوينا و كلنا بفخر لبيك
هاي شيعتك فداء لتراب رجليك

وينك يا صفاء يا غايب ..صحنا والقلب لك ذايب
طــول غيـــابه امـــــامــــي
...

نترسل عليك بـ طير وترف لك حمامه
بين البرايا موجود لكن غايب امامـه
ظهرت عناوين الفضاء وتبين كلامه
محمد بن الحسن معروف بـ كل علامه

غايب وحاضر بـ القلب يا صابر .. مهجة حلمي يا حلم عابر
طــول غيـــابه امـــــامــــي
...

على درب الثريا نشوف قمرة ضوى
بيها هتفنا وينك يا من لـ القلب دوى
ومنها قلبه بيها كم رؤية شوفه روى
جناحك الطيب وتهل عليه كل القوى

نبض القلب اصبح بيك ولهان ..على محرابه يصيح آنـا عطشان
طــول غيـــابه امـــــامــــي
...

على المنام وحلمت بـ الطلعة البهية
على دربك مشينا وانت رب البرية
بـ سيفك الفقار حامي على السرية
ونورك بين الصحابة ولا نور الثرية

خشعنا بـ صلاتنا وهذه قبلتين ..نهتف لك سيدي بهالدمعتين
طــول غيـــابه امـــــامــــي

... الطالبه لتعجيل الفرج ...

صفقة وهلاهل

انتظر نور الشمس يطل علينا
يابن الحسن يمتى الفرج ياولينا


انتظرك يا بوصالح يا مهدينا
بنورك الوضاح يضوي ليالينا
يامهدي يااشراقة شمس هادينا
ينغمة وتر تحلى بيها اغانينا

مشتاقة روحي لشوفتك .. يمتى احضى زيارتك

...

وبهالمسية تتغرد غناوي السلطان
يتلقى التهاني من بلد و البلدان
باسم ونزار وبيهم الكل فرحان
صفقة وهلاهل تغرد بأحلى الحان

دنيا فرحانه وتنور .. ينزال الهم والفجور

...

ظليت سهرانة والقلم حاير
شيكتب بالمدح مجنون صاير
بعشقك يلوح وبحبك طاير
بجنحان فطرس هلت بالبشاير

خبر منه غريب .. مولود للحسين حبيب

...

حسينيات ومآذن تصيح يالاكابر
مولود ويسرت بيه كل المحابر
مكتوب بعشقه يسري بالمصابر
كريم فليح وفاضل يزين المنابر

حلت بسمة افراح .. بميلاد قمر صداح

...

الطالبة لتعجيل الفرج هلهلت
وللمنابر بصوتها بالشعر زلزلت
ماهو كبر بالحروف حب ترتلت
بالصبر نادت يافرج بحبه تغلغلت

بأسمك مزجته اسم .. بعيوني ظلت رسم

... الطالبه لتعجيل الفرج ...

لعب بيها النوماس

رمـز الوفاء النومـاس شامخ يظـل بالطـاس
حامـي الـشرف والساس هاي ابو الفضل عباس

عباس كل مايحجون الخلق ترمش عيونه
مدري شهامة ومفخره ظل ملاك يعبدونه
شريف واساس المضهضب عباس يسمونه
انا بكل وكت اظل انعى عباس وما خيبونه

بالدرع والطاس مهيوب ... عباس وبيه نذوب
عباس اشرف كلها الناس ... بعزيمة وفخر يوطي الارجاس
حامـي الـشرف والساس هاي ابو الفضل عباس

...

تنكتر اجراح وعلى الثراء تصفي
يصرخن كبيرهم وقال هاي تكفي
غدت جيوشنا على المعركة ترفي
والرمح على الثراء والعيون تغفي

بنظرتك صهلت الامهار ... رفثت وهاجت الانهار
شسويت بينا يانوماس ... طهرت ايات الادناس
حامـي الـشرف والساس هاي ابو الفضل عباس

...

نورك مايفارق خيالي وهاي ما يمحي
بلكن بنورك يصهل الجواد ويصحي
من نورك وعلمك امتزجه المضحي
لأجل الدين وطحن القوم مثل المرحي

يانور وخلقه الباري بالشمس ... انت للدين واجب مثل الخَمِس
يامن بذكره بصلاتي اساس ... يامهجة قلبي يالمعة الالماس
حامـي الـشرف والساس هاي ابو الفضل عباس

...

اكفر عند القوم لمن بأسمك اذكر
تنجلي همي وبحبك بالمعجزة انذر
يامظهر الفرسان ياسحاب امطر
على الكفر دماها وبريسانها اشطر

علي بقومها ينادوك ... بحليب امهم يخافوك
عباس يالولي يالكلك احساس ... جينا لك زحافة على الراس
حامـي الـشرف والساس هاي ابو الفضل عباس

... الطالبه لتعجيل الفرج ...

نذر القِراب

بالقلب منقوش اسمك ياحسين
من رب البرايا ملهم الديـن
منكتر بالحب وجايبها منيـن
محروم اليعاند بحبك الزين

اسمك منقوش بالقلوب .. ماظن عنك نتوب
يا ساكن بعيني وخيالي ..صرت دوم على بالي

...

يا حسين ورب العرش ماتوب
سوكرة الليالي وانا بيك اذوب
وصلت بغرامي ونبض القلوب
دق القلب وقاله هاي المطلوب

عايش على بعاد .. وبشوفتك لابد وتنعاد
يا عرش القلب ياغالي .. صرت دوم على بالي

...

بمحبنك كل رضيع بجى وصار
كبير بمحبتك يبن حامي الجار
ورادك بمحبتك تنجيه من النار
انت لـ الاله غاية يابن المختار

يا تكبيرة صلاتي .. يا ذنبي وغلاتي
يمن بحبك نوصله للعالي .. صرت دوم على بالي

...

يا كاشف المغموم يا كاشف كربتي
يا ملهم التوراة يا اصل لـ تربتي
نذر عليا اليوم تتوفر وسيلة قربتي
اوصلها بزيارة من يسر لي طلبتي

لك اوصلها نخوتي .. منك القى نجوتي
يا نبض شوقي ودلالي .. صرت دوم على بالي

...

يا شريف ولعبت بذيك الخصال
يمن سيفك يرعد ومهرك النزال
تلوح يمينك وتمحي ايات الضلال
وببنك الموعود شرف لكل كمال

بـ كل دعوة اماني .. يظهر صاحب الزماني
نطرنا بوكتها الليالي .. صرت دوم على بالي

... الطالبه لتعجيل الفرج ...

مصداق الاوتار

كل نبضة التنبض بقلبي تبعث لك سلامي
من قلبي تنبض عشق بحب لك يا امامي

...

نورك عشقته من بزغ ياوالي
من بين الخلق سميتك الغالي
وعلى ارمام التشع بيها خيالي
ندبتك وحبيتك بصغري بنص الليالي

...

بين الثريا والقمر كتبت اشعار
على نغمة وتر تترنم بـ الدار
وانت الاصل بيها نغمة المختار
علي يافارس مضر ياذي الفقار

...

وعلى اوتار الحزن تتصعاب فراق
بين المدينة وصعبة رحلة العراق
انا المذنب بعشقي وانا المشتاق
لك يا امامي اندب وهذا المصداق

... الطالبه لتعجيل الفرج ...

آجـل العذاب

بين الهم والاذى صرخة لوعة فدى
مشتاقة روحي للمدى مالاقي بيك الجفى

حضرتك على باب الاسى
شوفتك عندي هيا الكفى
مابالغ بشوقي لمن قضى ..يالمهدي شوفتك تغنيني

هيا الامل بيدك ضوى
بيها عشقك مل وحوى
بس لغايته ملا وروى ..نظرتك صوبها تكفيني

صاحب الكرامي .. يا اغلى غرامي .. بيك الهيامي .. والتجي بيك

همي بيـدك ترفضه يا كل حياتـي

....

ودادي يسعى مالقى المفر
بشوقك منـين الــه الصبر
لشوفتك عيني ملت عـذر .. عبيرك بعطره يشدني

جنيت بمسية بعقد الوتر
غيبتك نطرت نور الفجر
مابيها نـور وهـاي القدر .. دينـك ديـن اليمدنـي

انت كيـاني .. صاحب الزمانـي .. بزيارتـك انانـي .. والتهـي بيك

انت ضي عيني يا كل حياتـي


... الطالبه لتعجيل الفرج ...

على جسر بغداد

شفت على الجسر جنازة محمولة
ذكرت اجساد بحر الشمس مغلولة
نادت زينب بقلب وبعـبرة موصولة

خوية حسين ندهت له ومارد عليه

...

سم وجرعه ابن الجعفر منهو دسه
چن بالسجن يزيله المقيد ومنه ودسه
صل الكاظم ورتوى والسم عليه ودسه

گـلب عباسي ومعروف ماضيه

...

مصايب تزلزت بجسر بغداد
ولهمتها فراق الحبيب العـاد
بصبر وشوق اهل الشـداد

بفراق الكاظم منين الصبر ليه

...

مسموم ابن الصادق من احفاد العباس
منين السمي لفخر عمـك كلهن عباس
قايلها بالطف وبكتر منه جرحه عباس

والله للحسين ارخص كلتا ايديه

...

... الطالبه لتعجيل الفرج ...