لحيدر انتميت .. وللنجف حنيت .. لزيارتك سيدي شقد انا عانيت
وبهالحضرة جيت .. تقبلني ياريت .. خادم لحضرتك يامهجتي
جيتك قلب عطشان لشوفتك ضامي
باين بشوقي ليك كل حبي وهيامي
انشد امطار الهوى تجمعني بأمامي
مجنون ولاتلومني بعشقي وغرامي
بحبك ظليت .. بحبك ظليت .. لايحة بالعشق رايتي .. لحيدر انتميت
مجنون تسميت .. مجنون تسميت .. حبك كل غايتي .. لحيدر انتميت
...
صافن بحبك وزرعتك شريان بقلبي
كل ندبة ناديت ياعلي اكشف كربي
مهموم وحبك ياعلي تنور لي دربي
اخو الهادي وصهره وصا بيك ربي
بحيدر واليت .. بحيدر واليت .. يارب اسمع نشدتي .. لحيدر انتميت
مالحظة تناسيت .. مالحظة تناسيت .. عهد ابقى بولايتي .. لحيدر انتميت
...
جنيت انا بغرامي وسرت اكتب بحبي اشعار
وغنيت بصحو القمر والدنيا تهطل امطار
وارسمت على الهواء صورة لحيدر الكرار
تجلت بمعانيها وعقبها عقلي بهيامه طار
بموال غنيت .. بموال غنيت .. باسمة بذكرك دنيتي .. لحيدر انتميت
بيك جنيت .. بيك جنيت .. شاعر والهوى صوتي .. لحيدر انتميت
...
اشتاق بليلتي وبلوة كل حبيب يشتاق
تدري بعد الاحبة يعذب القلب بالفراق
بس جسمي بالبلد وروحي يمك بالعراق
تدري بشوقي ياممهد النبي بوسط البراق
بقلبي بنيت .. بقلبي بنيت .. قصر حبك يانجوتي .. لحيدر انتميت
عاشق وفديت .. عاشق وفديت .. افديك بالعمر ياسلوتي .. لحيدر انتميت
... الطالبه لتعجيل الفرج ...
ليست هناك تعليقات:
إرسال تعليق