اهجرتني حبيبي وزرعت الالم بفراقك
وذبحتني ياسلوة قلبي في بحر اعماقك
حبيبي اسمك عمرني
اهجرة روحي بفراقك يا اعز ناسي
اذكرك ياحسين والله من انظر للكاسي
اشرب الماي واحس مرمره علي قاسي
يجرح احساسي مرة ومرة يتعلق بأنفاسي
بانيني من اشرب الماي يهيج حنيني .. حسيني اصرخ بكل علا صوتي حسيني
حسيني فرقاك نحلني
...
زلزلت بينا مصابك بيوم العاشر محرم
ياهوية الشيعة وعقيدتها اليوم يابن المكرم
لبيك نصيح بصوت واحد بأمرك المعظم
هوى في نفوسنا مصابك وبكلها نترحم
ثمرة الزجية يا امل عايش بقلوبنا .. غمرة سبية ترضاها بألم مسبية دروبنا
جمرهم مكواة وكوتني
...
اذكر بالاكبر وجسام من وقعوا بين الاعادي
قلبي انهزم دموع وقلبي انفجع بفجعة اولادي
يابني وفرقاك بقليبي شيطيبه لوشفت ودادي
يالاكبر يا اسعد من نظر لك عرف انشدادي
انشد امك الزهراء الزجية بباب الجنة .. اتنهد بصدرها وغرق ببحر الحنة
شبلنا قتلك بهرني
...
قمر هاشم خليفة الكرار وريحة النشامة
من طبر بالهامة فاحت عطر الكرامة
جني بيه بالمعركة يلوذ بالحسين بهيامة
ويصيح بسيدي الحسين افني كل ظُلامة
ظلمني من طبر بهامتك يالغالي وعذبني .. وذبحني سهم البعينك بنار وشملني
هذبك غاية واسرني
...
وقع الحسين ضامي من سرج مهره
على الرمض طاح ومنثني بيه ظهره
وزينب تشوفه وتصيح وين خي عذره
لاننسبي ويعود بينا لديار امي الزهره
عود بينا يابن الزجية خلنا نعوف ديارهم .. جود قمرنا طاح على الرمض بغبارهم
قمرنا بعمود ودعني
...
هاي كلها قصة عشق ظلت تسري ويا دمي
مانساها بيوم وبكل لحظة هالقصة تجلي همي
تغفى عيني اشوفك واسعد لأني شفتك يمي
ترتسم بثغري ابتسامة وانسى كل حزني وغمي
هالاحزان شيبت راسي من مولدي لهسه.. وبهالاذهان تستمع للمصاب كل يوم نفسه
مصابك الام وغزتني
... الطالبه لتعجيل الفرج ...
ليست هناك تعليقات:
إرسال تعليق